Aallaqqaasiut

2015-ip naanerani kalaallit inuusuttut 16-it 25-llu akornanni ukiullit 5.893- it imaluunniit 68 procentii ilinniarfinnut suliffeqarfinnulluunniit atassuteqarput. Taakkunannga inuusuttut 578-it Kalaallit Nunaata avataani efterskolinik imaluunniit ilinniakkanik ingerlataqarput.

 

Inuusuttut ilinniakkanik ingerlataqanngitsut imaluunniit suliffeqanngitsut agguaqatigiissinnerat 32 procentinik annertussuseqarpoq. Tamanna 2014-imut sanilliullugu 2015-imi 3 procentpoint-inik ikileriarneruvoq. Ikileriaammi pingaarnertut peqqutaavoq inuusuttut suliffillit agguaqatigiissinnerat annertunerulermat.